تری ہر اک نعمت کا شکریہ

ائے رب ذوالجلال تری رحمت کا شکریہ

انساں بنایا مجھ کو اس عنایت کا شکریہ

ایمان کی قرآن کی نعمت سے نوازا

ہر آن میں کرتا ہوں تری ہر اک نعمت کا شکریہ

سینے کو مِرے عشق سے معمور کر دیا

تیری عطاء سے دردِ محبت کا شکریہ

در در کہاں پھرتے یہ دل خستہ لئے ہم

تو نے دیا ہے در، درِ وحدت کا شکریہ

ماں باپ جیسی نعمت عظمیٰ ملی مجھے

کیسے ادا کروں میں اس نعمت کا شکریہ

ہر شئی میں تری معرفت ہم دیکھ رہے ہیں

تیری نشانیوں تری قدرت کا شکریہ

ہم تو ترے محبوب معظم کے غلام ہیں

اس پیاری سی نایاب سے نسبت کا شکریہ 

فیضی سے تری حمد بیاں ہو نہ سکے گی

کیا ہے مری بساط تری عظمت کا شکریہ

آپ کا: فراز فیضی...9326187516